Home

News

Ruihhlo do kawnga thawk tha chawimawi

News

Ruihhlo do kawnga thawk tha chawimawi

Ruihhlo do kawnga thawk tha chawimawi

Nimin (6.11.2026) khan 1st IR Bn Headquarters, Mualvumah Kolasib District chhunga ruihhlo dona kalpui meka thawk ṭha tak, Hav. PC Lalremmawia, 1st IR Bn, Mualvum chu ruihhlo do kawnga a thawhrimna leh inpekna avangin chawimawina hlan a ni.

He chawimawina hian pawisa fai (cash reward) engemaw zat leh chawimawina thuziak (citation) hi a kengtel a, Hav. PC Lalremmawia hnenah 1st IR Bn. Commandant M.S Dawngkima chuan a hlan a ni.

Hav. PC Lalremmawia hian ruihhlo do kawngah hian theih tawp chhuahin, tum tam tak zu leh ruihhlo thahnem tak man chhuah a nih theih nan hna a lo thawk ṭha hle a ni.

Chawimawina hlanna hunah hian Commandant M.S Dawngkima chuan thu sawiin, “Kolasib District chu ramria (border) awm a nih avangin dan leh thupek kengkawhtuten ṭha thlah lova ruihhlo an do a ṭul. Hun kal tawhah pawh 1st IR Battalion-a Police thawktute zingah ruihhlo do kawnga an chet ṭhat avangin mi thahnem tak hnenah lawmman (Cash Reward) hi lo pek an ni tawh,” a ti.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]