Vawiin (2.11.2026) hian Serchhip-a rukruk leh dawr rawk hluar chho chungchang relin, Serchhip SP Dhirendra Pratap Singh leh Serchhip Chamber of Commerce (CoC) hruaitute, SP Officeh-ah an thukhawm.
He thutkhawmah hian tunhnaia Serchhip khawpui chhunga rukruk leh inrawk hluar chungchang leh, a tihrem dan turte sawiho a ni. Serchhip SP chuan dawrkaite chu an dawr himna atan leh rukru venna atan CCTV a theih ang anga install vek turin a ngen a; Serchhip khawpui chhunga drugs zuar leh drugs addict-te pun khawmna hmunte pawh ngawrh zawka Serchhip Police-ten an vil tur thu a sawi.
Chamber of Commerce hruaituten holiday-a no entry hun chhung ennawn sak tura an ngenna pawh SP chuan rang taka lo enfel sak a tum thu a hrilh nghal.
Addl. SP H. Lalduata, SDPO Lalrinzuali leh DySP Lalthlamuana ten SP hi an tawiawm a ni.