Kolkata atanga Sairang rawn pana tlan rel chu tukin (11.11.2026) dar 7:00 vel khan Sonai, Assam-ah kawng a zawh sual avangin a chesual a, chanchin chiang zawk hriat theih a la ni lo.
Thulaknain a tarlan danin, rel chetsualna hmun hi chiang taka hriat a ni lova, thudawn dain Assam State chhunga Sonai Circle vel nia hriat a ni a, he thuziahlai hian thi leh hliam an awm leh awm loh hriat a ni lo.
Kolkota-Sairang Express hi nimin zing dar 10:45 khan Kolkata a rawn chhuah sana, ruahman danin zanin dar 6:30 velah Sairang rawn thleng tur a ni.
Relah hian Mizoram rawn pan tur mi engzah chiah nge chuang a hriat mai theih a ni loa, Darlawn Higher Secondary School naupang leh zirtirtu Kolkata-a excursion a kal zirtirtu 10 leh naupang 24 erawh an chuang tih hriat a ni.