Khawvel puma The Salvation Army Kohhran hruaitulu, The General Lyndon Buckingham leh a nupui Commissioner Bronwyn Buckingham, World President of Women’s Ministries te chu IHQ London atangin naktuk (October 20, 2026) chawhnu dar 3:20 ah Lengpui Airport an rawn thleng dawn. Anmahni puala lawmna inkhawm tawi chu Airport Chapel-ah The Salvation Army India Eastern Territory-in a buatsaih ang.
The General-te nupa hi Mizoram Sorkar chuan state guest-ah puangin; a lo mikhual dawn. An cham chhung hian Chief Minister Lalduhoma chuan zanriah a buatsaih sak dawn a, ITI Corps Biak In thar leh Thuampui Corps Biak In thar Pathian hnena hlanna leh hawnna an nei ang. R. Dengthuama Hall, Mualpui Salem Veng-ah Territorial Congress an hmpui dawn bawk. The General te nupa hi kar khat chhung Mizoramah an cham ang.