Lalrinfeli Hnamte, New Delhi chu Samsung Research & Development Centre, Bangalore-ah ‘software engineer’ hna thawk tur a lak niin, thla leh atangin a thawk tan ang.
Lalrinfeli hi Tagore International School, New Delhi a lekha zir thinin, CBSE Class-10 (2020) ah 93% leh Class-12 Science (2022) ah 96% hmu in a pass. JEE Mains 2022 ah 95 percentile hmuin, Delhi Technological University (formerly Delhi College of Engineering) a B. Tech, Computer Science & Engineering (CSE) zir a thlang a ni. He degree hi kuminah 8.54 CGPA hmu in ‘First Class with Distinction’ ah a zo leh.
B. Tech (CSE) final year a zir laia a research paper “Hybrid-Encoding Multiparty Quantum Key Agreement with Dual-Parity Verification” (Designing protocols for cost effective and secure data exchanges through cloud services in the future 6G era) chu Institute of Electrical and Electronics Engineers (IEEE), khawvel a engineer-te intelkhawmna pawl lian ber pakhat chuan tun kum tawp a International Conference on Networks and Cryptology (NetCrypt 2026), New Delhi ah neih tur ah ‘Oral Presentation and Publication as a Full Paper’ tur in a thlang.
B. Tech a zir pah hian Uber company ah She++ Mentorship, Microsoft Company ah Software Developer Intern (Generative AI Development, Retrieval-Augmented Generation) leh Start-up Forsyt (Venture Capitalist T9L company) ah Software Engineer hna te a chawlh chhung in a lo thawk kual tawh bawk. An University a Entrepreneurship Cell ah Co-head a nih bak ah placement coordination leh basketball team member a ni.
Lalrinfeli Hnamte hi Lalchhandama, Joint Secretary, Ministry of Rural Development, Government of India leh Lalthanpari, Scientist, Bureau of Indian Standards, New Delhi-te fanu a ni.