Vangpui feh chhuah kal zelah vawiin (October 29, 2026) hian MNF Senior Vice President Dr. R Lalthangliana, MLA chuan a bial chhung Bawngthah, Darlung, South Sabual leh Bawlte tlawhin khawtlang tana hmalakna turte sawi hoin hun an hmang.
Heng hmunah hian Dr Thangtea chuan MNF Sorkar kal ta khan Mizoram Subordinate Services Selection Board (MSSSB) a din chungchang leh ZPM Sorkarin a ṭhiah tak chungchâng sawiin, “MNF Sorkar leh veleh Mizo thalaite tan engti zawng pawha din thar leh a ni ang. ZPM Sorkar hnuaia hnathawk hlei thei loa MPSC awm mek pawh MNF Sorkar leh hunah mumal taka hnathawk theia siam a ni ang,” a ti.
Dr. R. Lalthangliana chuan kum 2022 – 2023 chhung khan MSSSB-in budget allocation cheng nuai 132.02 chauh a neih laiin; MPSC chuan khami kum khan cheng nuai 1107.08 lawih a nei tih sawiin. “MSSSB-in candidate reccomend mi 5271 (Direct Recruit 405, Promotion 3046, Limited Dept. Exam 232, Absorption 43, Regularisation 146, Confirmation 1356 leh Conversion of Posts 43) a nei a. Khami chhung khan MPSC chuan 129 (Direct Recruit 90, Promotion 7, Limited Dept. Exam 15, Regularisation 16, Confirmation 1) an nei a, an inthlauhna chu 5142 zet a ni,” tiin, khatih hun lai khan MSSSB-in mi 5271 lai a chinfel hman laiin MPSC chuan mi 129 chauh a ching fel a, a inthlauhna 5142 zet a nih thu a sawi.