SIC ATAN H. LALENGMAWIA LAKLUH A NI
Larsap General Vijay Kumar Singh chuan vawiin (21.10.2026) chhun khan H. Lalengmawia, IAS (Rtd.) chu Durbar Hall, Lok Bhavan-ah rinawmna thu tiam tirin Mizoram State Information Commission hnuaia State Chief Information Commissioner (SIC) atan a lalut.
Lakluhna inkhawmah hian Chief Secretary Khilli Ram Meena chuan Larsapin SIC atana H. Lalengmawia, IAS (Rtd.) a ruatna notification a chhiar chhuak hmasa a, chumi hnuah Larsap chuanH. Lalengmawia chu rinawmna thutiam chham tirin SIC atan a lalut a ni. He hunah hian PWD Minister Vanlalhlana, Animal Husbandry & Veterinary Minister C. Lalsawivunga, Environment, Forests & Climate Change Minister Lalthansanga, Leader of Opposition Lalchhandama Ralte leh mi pawimawh dangte an tel a ni.
SIC atana lakluh tak H. Lalengmawia hi Kawrtethawveng, Mamit District khaw chhuak niin, thiamna lamah M.A. (Public Administration) gold medalist, North-Eastern Hill University (NEHU) niin, NEHU-ah kum 3 chhung lecturer hna a thawk zui. Kum 1991 khan Mizoram Civil Service zawmin batch topper a ni a, March ni 19, 2014 khan Indian Administrative Service (IAS) ah hlankai niin, AGMUT Cadre 2005 pek a ni.
Mizoram sawkarah hna pawimawh tak tak Joint Chief Electoral Officer, State Protocol Officer, Director, School Education Department, Champhai leh Kolasib District Bawrhsap, Commisioner & Secretary Home, Environment, Forests & Climate Change, Health & Family Welfare, Power & Electricity, Higher & Technical Education-te chelh tawhin kum 2024 khan thla khat chhung Chief Secretary hna a chelh. November 30, 2025 khan superannuation pension-in a chhuak a ni.