Ṭhuampui Veng tlangval R. Malsawmdawngzela (20) s/o R. Lalrokima chu nimin (6.11.2026) khan luiah chesualin tuiah a tla a, a thi.
Ṭhuampui Veng atanga Bengvarna thudawn danin, Malsawmdawngzela hi nimin khan a thiante nen a piancham lawm turin Tuithau lui, Sateek ram, Darlung kaiah an kal a, tlai dar 2:30 velah luiah hian a chesual a ni.
A ruang zawngin theihtawp chhuah nimah se, hmuh mai a nih loh avangin CYMA Disaster Respond Team pun an ni a, theihtawp chhuah a nih hnuah zan dar 11:40 velah a tlakna atanga hla vak lo atangin a ruang lak chhuah a ni.
Malsawmdawngzela ruang hi nizan khan lumenpui niin, vawiinah vui a ni ang.