Oct 29, 2025
Wednesday
MNF chuan vawiin (29.10.2025) zing dar 6 atanga FCAA, 2023 adopt duh loh lantirna atana total bandh an huaihawt chu dar 1 atangin an titawp (call off) ta.
Bandh call off a nih chungchangah MNF Treasurer Lalruatkima chuan an party office-ah press conference neiin total bandh an huaihawtin thlawp a hlawh that avanga an lawmthu a sawi.
Lalruatkima chuan mipui, sorkar, political party, sorkar hnathawkte leh zirlaiten an thlawp thaa a hriat thu sawiin, ‘In dan buai ngai pakhatmah kan awm lote hi lawmawm kan ti takzet,’ a ti.
MNF Treasurer chuan total bandh an neih avanga an eizawnna an tihbuai, zin veivak leh damlo zawng zawngte chungah thupha an chawi thu a sawi.
Total bandh huaihawt chu Mizoram Sawrkarin FCAA a pawm an do tawpna a ni lo tih sawiin, ‘A hlawhtlin hma chu kan bawhzui zel dawn. He dan tha lo tak hi kan duh lo. Pathian leh mipui zara kan sorkar velah kan siamtha tha nghal ang,’ a ti.
