Nimin (22.10.2026) khan YMA Rorel Inkhawm vawi -5-na chu LPS Arena, Falkland ah neih a ni a, inkhawm hi chawhma dar 10:30 ah tan niin Central YMA President R.Lalngheta President Central YMA chuan kaihruaiin, a hnuaia tarlante hi lungrual takin a passed a ni.
YMA KHAWIH
1.Mizoram pawn atanga company, Mizoram chhunga hna rawn thawktuten hnathawktu atan ram leilung fa tam zawk an chhawr theih nan Central YMA-in hma la chhunzawm zel rawh se.
2.Central YMA-in aia upa zah inzirtirna kawngah tun aia chak zawkin hma la rawh se.
3.Environment humhalh chungchangah chak zawkin hmalak ni rawh se.
4.Mizo lengkhawm (khawhar) hlate a ral mai loh nan khawhar in leh mitthi inah a tam thei ang ber sak anih theih nan CYMA-in hma la rawh se.
5.YMA hlate (YMA Hla Bu a mi) uar zawka sak a nih theih nan leh thiam kan lo tam zawk theih nan Central YMA-in hma la rawh se.
SAWRKHAR KHAWIH
1.Bairabi atanga Sairang inkar Rel Station/Sub-Station-ah te hian uluk zawkin ILP check a nih theih nan Central YMA-in hma la rawh se
2.Mizoram leilung fate kan him nan trading regulation felfai tak kan neih theih nan sawrkarin chak zawkin hma la rawh se.
3.Mizorama raltlante awm dan leh foreigner mi, dan lova rawn sumdawngte khuahkhirhna mumal zawk a awm theih nan hmalak ni rawh se.