Home

News

Zo Inspiration Foundation Capacity Building & Second Beneficiaries Meet

News

Zo Inspiration Foundation Capacity Building & Second Beneficiaries Meet

Zo Inspiration Foundation Capacity Building & Second Beneficiaries Meet

Zo Inspiration Foundation (ZIF) chuan vawiin (4.11.2026) hian ‘Your Inspiration, Their Transformation’ tih thupui hmangin YRC, Falkland-ah Capacity Building & Second Beneficiaries Meet an buatsaih a, Governor Gen. Vijay Kumar Singh chuan a hmanpui.

Governor chu mitin huapzo leh khawngaihnaa khat khawtlang ni tura Zo Inspiration Foundation-te hmalakna fakawm a tih thu sawiin, “Khawtlanga dawmkan ngai, ngaihsak bik ngai leh miretheite chhawmdawl kawnga an hmalakna hian Mizote chakna em em, thil phalna leh midang ngaihsakna a lantir. Khawtlang mipui rawngbawl sak chu mitin mawhphurhna a ni. Mizoramah mipuite inpawhtlangin inngaihsak tawn thin mah ila, Zo Inspiration Foundation ang pawl, tanpui ngaite chhawmdawl lama hmalatu an awm hian mipui rawngbawl sak kawngah hmalak a ti awlsamin thatna tam tak a nei,” a ti.

Vawiina Capacity Building & Second Beneficiaries Meet-ah hian Aizawl khaw pawn hmun hrang hrang atangin hamthatna dawngtu mi 212 an kal khawm bakah Aizawl khawpui chhung atangin mi thahnem tak an tel thei. An ni bakah hian thilpek pe thintute pawh kalkhawmin project kalpui dan leh hmalakna hrang hrangte sawi hona leh hrilhhriatna hun buatsaih a ni.

Zo Inspiration Foundation hi June 7, 2020 ah din a ni. Ministry of Corporate Affairs hnuaia Company Act leh Mizoram Societies Registration Act-ahte an inziahluh bakah February 28, 2025 khan trust registration tiin, September ni 15, 2026 khan CSR-1 registration an ti fel a. Inenkawlna mumal tak neiin hma an la a ni.

Kum 2020 atanga 2026 inkar hian mi harsa chenna in nei lo mi 25 in an sak sak tawh bakah mi 2,197 te tanpuina an pe tawh tawh. Educational Support and Child Development kaltlangin zirlai naupang mi 53 an enkawl mek. Kumin chhungin Free Medical Clinic vawi 5, tanpui ngai tak tak mi 8 te tan vehbur Rs 34,73,270 an khawn chhuak.

Housing Assistance and Family Rehabilitation kaltlangin chenna nei lo tan In 4 an sak sak tawh a. Heng bakah hian Professional Training & Staff Development, Community Awareness Programme, Community Participation & Public Engagement-ahte theihtawp an chhuah bawk.

Tunah hian thawktu 20 nei mekin internee leh volunteer an awm ve reng bawk a. Lalthuama Building, Second Floor, Chanmari Ramhlun Road-ah office an luah a ni.

Zo Inspiration Foundation hian programme pasarih – Shelter of Love Programme (mi harsa in sak tanpuina), Charity Programme (Mi harsa vehbur khawnsak), Initial Support Programme (Mamawhtute tana tanpuina), Lighthouse Initiative Programme (Eizawnna bultanpui), Christmas Charity Programme, Free Education Programme (Naupang zirna tanpui) leh ZIF Health Program-te an kalpui mek a ni.

More Posts

District Magistrate-in ngenna a siam

Aizawl District Magistrate chuan Krismas leh kumthar vuakveta halpuah leh halmawi hman khapna dan zawm chungchangah ngenna a siam a, “Mipuite hriselna leh himna atan leh kan chhehvel boruak leh leilung a lo thianghlim zawkna atan Mizoram sorkar chuan Halpuah, Halmawi leh a kaihhnawih lam chi reng reng hman, kawl leh zawrh khapna dan ‘The […]

Iron rod endik tan

Legal Metrology chuan an thupek chhuah bawhzuiin nimin (11.11.2026) aṭang khan Aizawlah iron rod hralh dan an edik ṭan. Mizoram chhunga iron rod zawrhte a size a dik loh nasat avangin hei hian mimal leh sawrkar building sak naahte nasa takin nghawng ṭha lo a nei thei a, hetianga rod size te lo lut zel […]

MNF-in Babie-i thusawi an chhanglet

MNF Treasurer Lalruatkima, Revenue Minister hlui chuan vawiin (12.11.2026) hian party office-ah press conference neiin, Aizawl khawpui atanga Assam Rifles sawn chhuah kaihhnawihah party pakhatin sipai pension tawh mi pakhat hmanruaa hmang anga ngaihtheihin thu dik lo an vawrh darh chiam mai nia sawiin, “MNF Party chuan na takin a dem. Thu belhchian dawl lo […]