Home

News

ZPM an sorkar ka lawm hle – John Rotluangliana

News

ZPM an sorkar ka lawm hle – John Rotluangliana

ZPM an sorkar ka lawm hle – John Rotluangliana

Vawiin (November 10, 2026) chhun khan Chhiahtlang North VC House-ah Tuikum Block I Political Training buatsaih a ni a, an hun hmanpuitu MPCC Vice President John Rotluangliana chuan ZPM an sorkar a lawm hle thu a sawi.

John Rotluangliana chuan, “Mizoramah ZPM an sorkar hi ka lawm hle. Sorkar lo se, ṭha emaw kan la ti reng dawn. Annihna dik tak kan lo hmu chho ta a ni. Thil kan tiam a, tihhlawhtlin theih loh chin chu a awm. Amaherawhchu, kan ti ve lo ang, an tih zawng zawng an ti vek mai hi chu hriatthiam a har a ni. Puk tura koh inni lova, nangni chuan inpuk ve loang titu pa ber lah chuan a fapa tan UNNATI cheng vaibelchhe 15 a puk,” a ti.

Sawi chhunzawmin MPCC Vice President chuan, “Sorkar policy ve lem Banakaih Policy ah mi 700 bawr vel an pe ve a ni awm e. Congress nen kan inthlau lutuk, NLUP kha kan sem nasa lutuk a, a dawnga te pawh an lawm lutuk lo, ZPM-ah hian miretheiten eng beiseina nge kan neih? Kan bial tan enge an thawh ve tawh? Tournament bak an la siam lo,” tiin hmasawnna tak tak ZPM hian min thlen em tih hi kan ngaihtuah a ngaih thu a sawi.

MPCC thuchhuah tarlan danin, MPCC Vice President hian an party-ah mi 25 a lawmlut nghal a ni.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]