Home

News

AIS-te tan training buatsaih

News

AIS-te tan training buatsaih

AIS-te tan training buatsaih

Chief Minister Lalduhoma chuan vawiin (8.10.2026) chhun khan khan Secretariat Conference Hall-I ah Mizorama thawk, hnam dang All India Service (AIS) officer-te’n Mizo tawng, nunphung leh hnam ziarang an hriatchian zawk theihna tura buatsaih – ‘Training on Mizo Culture, Language, Society and Value System’ chu a hawng a, mipuite tana rawngbawl tur chuan an hnam ziarang hriatchian chu thil pawimawh hmasa ber a nih thu sawiin, AIS officer-te chu an theih chin chinah Mizo tawng thiam tum turin a chah.

Ram inrelbawlna (administration) tha leh hlawhtling nei tur chuan dan leh dun zam a, policy duan ringawt a nih loh thu sawiin Chief Minister chuan, “Sawrkar policy-ah mipuite an inhnamhnawih a, neitu nihna rilru an put tel a tul. Chumi tur chuan mipuite nena inrintawnna leh inpawhna tha siam a tul thu sawiin an harsatna te ngaithla a, hretthiam tur chuan an tawng, an nunphung leh an hnam hriatchian chu thil pawimawh hmasa berte zinga mi a ni,” a ti.

Lalduhoma chuan mipuite nena inpawhna kawng awlsam ber chu an tawng thiam a nih thu sawiin, All India Service officer-te chu an theih chin chinah Mizo tawng thiam tum turin a chah a, “Hemi tur atan hian tunlai thiamna chi hrang hrang hmang tangkai thiam a pawimawh,” tiin AlS officer-te chu hnam hrang hrang, tawng leh mize hrang hrang awmna, India ram ropui tak mai phuarkhawmtu pawimawh tak an nihna inhria a, an awmna hmun apiangah an mipui rawngbawlsakte hnam ziarang hriatthiam tum hmasa phawt zel turin a chah.

Chief Secretary Khili Ram Meena chuan non-Mizo All India Service officer-ten Mizo mipuite nena inpawhna tha zawk an neih theihna tur atana he training programme hi ruahman an nih thu a sawi a, grassroot level administration kenkawhna atana training pawimawh tak ni a an hriat thu sawiin, “Mizo society-a NGO leh kohhran pawimawhnate, an inrebawlna a nghawng dante leh Mizo society-a hriattur pawimawh hrang hrangte he training kaltlang hian in zir chhuah ngei ka beisei,” a ti.

Training hi ni 14 awh tur niin, ni khatah darkar khat zel training hun hi neih a ni ang. Training-ah All India Service officer (Indian Administrative Service, Indian Police Service leh Indian Forest Service) 41 tel tura ruahman a ni a, heng zinga 19 te chu district-a awm an nih avangin online-in an tel beisei a ni.

More Posts

Zu siamna hmun ti chhia

Vawiin (20.11.2026) chhun khan Excise & Narcotics Dept. Aizawl District chuan Rangvamual leh Phunchawnga zu siamna zawn chhuah leh tih chhiat runpui an nei. Anti Narcotic Squad leh Aizawl District Excise & Narcotics Dept-te fehchhuakin rakzu siamna hmun 22-ah zu bilhlai ṭin 5,054 an tichhia a, zu siamna hmanrua pawh tam tham tak an man. […]

Top 10-te an inbuatsaih tan

EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn. LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur […]

Ramri siam rem a ni

Vawiin (20.11.2026) chawhnu dar 2:00 khan Kolasib Bawrhsap H. Dolianbuaia chuan Saipum leh Saiphai khaw inkar ramri lung (village boundary pillar) a phun. Hemi hnu hian Govt. Middle School, Saipum-ah khaw pahnihte ramri inhlanna leh inremna thuthlung ziahna hun an hman chhunzawm. Kolasib Bawrhsap chuan thu sawiin, “Harsatna leh buaina a lo thlen changin a […]