EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn.
LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur mi 11 te chu vawiin (20.11.2026) chhunah LPS Studio-ah kokhawmin, Youth Icon Organising Committee Chairman leh LPS Director Lalsawmliana Pachuau hoin intihsiakna round sang an neih huna hriat tur hrang hrangte inhrilhriatna hun hman a ni.
He hunah hian mentor tura ruatte pawh an tel. Mentor-te hian contestant an kaihhruai turte an pawt. Mentor-te hian zai zir, hla thlan leh sound track chungchang te an buaipui dawn. Mentor-te chu Thangbawiha, Kima Chhangte, Tluangte Hnamte leh Peka te an ni.
Top 10 intihsiakna chu kar thar thawhtanni zanah neih a ni dawn. LPS chuan intihsiakna hi a duh apiang tana chhim theih turin ruahmanna an siam a, Thawhtanni zana show neih bikah hian ticket a awm dawn lo a, a thlawnin zai intihsiakna hi a chhim theih a ni.