Blog

Information, Communication & Technology Minister Dr Vanlalthlana chuan Bashini app-ah Mizo tawng dah tuma hmalak tum a nih thu a sawi.

ZPM member TBC Lalvenchhunga zawhna chhangin ICT Minister chuan airtificial intelligence (AI) lamah hma an lak chhoh mek thu sawiin, “Mizoram Sorkar chuan Central Sorkar siam Bashini app-a Mizo tawng dahve turin Bashini app hi inremna ziahpui a ni tawh,” a ti.

Bashini app-ah hian tawng 22 dah a nih tawh thu sawiin Dr Vanlalthlana chuan, “Keimah ngei pawhin ka hmang tangkai hle. Meeting-a kan kalte hi Hindi-a an sawi pawhin English-in kan lo hre zel thei,” tiin Mizo tawng thun a nihve hunah chuan khualzinte tan a tangkai hle tur thu a sawi.

ICT Minister sawi danin, Bashini app-a Mizo tawng dahve turin AI hmang leh college leh university lam nen tangkawpin hmalak mek a ni. Nakkum lamah chuan an dahluh hman tawh beisei a ni.