Home

News

Bawrhsap hoin an thukhawm

News

Bawrhsap hoin an thukhawm

Bawrhsap hoin an thukhawm

Vawiin (15.10.2026) hian Lawngtlai Bawrhsap Donny Lalruatsanga hoin a office chamber-ah AOC YLA Branch-ten Tata Yodha 10 an man chungchang an sawiho.

Donny Lalruatsanga chuan raltlante mumal zawka khuahkhirh leh Myanmar nena sumdawnnaah fimkhur taka hmalak mek a nih thu sawiin, “A bik takin raltlante tan inkhuahkhirhna leh sumdawnna kalpui chungchangah mumal taka dan siamfel a ni tawh. Hemi atan hian LADC nen pheikhairual taka thawhho niin, NGOs ten thahnem ngai taka min thawhpuinaah lawmthu ka sawi a ni,” a ti.

Lirthei lut leh chhuakah thuneitu hriatpui loa endik leh pawisa lak ching an awm thin nia thuthang awm chu mimal takin pawi a tih thu sawiin Bawrhsap chuan, “Hetiang zawnga hmalak chingte zawnchhuah leh dan anga hmalak a ni dawn. Dan loa lirthei lo lut kan tur a awm fo hi a pawi,” a ti a, thupek kenkawh kawngah district administration-in theihtawp a chhuah zel dawn tiin, sawrkar hmalakna lo tawiawm fo turin tlawmngai pawl leh Lawngtlai mipuite a sawm nghal.

CYLA hruaitute chuan dan loa sum leh pai khawn chungchangah theih ang anga hma an lak mek thu an sawi a, dan leh thupek kenkawh kawngah district administration- hmalakna an thlawp tlat thu tarlangin, an theih chin chinah chak taka hma an lak zel tur thu an sawi a ni.

Thutkhawm chuan sumdawnna kalpui chungchangah District Magistrate thuchhuah awm tawh chu tha taka kenkawh ni se, hemi atan hian kawng engkimah thawhho ni se an ti. October 13, zinglam dar 2- 3 inakara AOC YLA Branch ten Tata Yodha – 10, Aizawl lam atanga lokal an man chu Enforcement (DTO) kutah hlan a nih thu ngaihthlak a ni. District Magistrate thuchhuah palzûta dan loa lokal a nih angin pawi an tih thu an sawi. Hemi chungchangah hian a dealer-ten intiamkamna an nei thei a nih chuan lirtheite hi thawn let ni se an ti a ni.

Thutkhawmah hian Addl. DC; Addl. SP; Enforcement (DTO); MJA leh CYLA hruaitute an tel thei.

More Posts

Zu siamna hmun ti chhia

Vawiin (20.11.2026) chhun khan Excise & Narcotics Dept. Aizawl District chuan Rangvamual leh Phunchawnga zu siamna zawn chhuah leh tih chhiat runpui an nei. Anti Narcotic Squad leh Aizawl District Excise & Narcotics Dept-te fehchhuakin rakzu siamna hmun 22-ah zu bilhlai ṭin 5,054 an tichhia a, zu siamna hmanrua pawh tam tham tak an man. […]

Top 10-te an inbuatsaih tan

EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn. LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur […]

Ramri siam rem a ni

Vawiin (20.11.2026) chawhnu dar 2:00 khan Kolasib Bawrhsap H. Dolianbuaia chuan Saipum leh Saiphai khaw inkar ramri lung (village boundary pillar) a phun. Hemi hnu hian Govt. Middle School, Saipum-ah khaw pahnihte ramri inhlanna leh inremna thuthlung ziahna hun an hman chhunzawm. Kolasib Bawrhsap chuan thu sawiin, “Harsatna leh buaina a lo thlen changin a […]