Sep 20, 2026
Sunday
Zanin (20.9.2026) dar 6:30 vel khan Zakaria Lalhriattluanga (29) s/o VL Duailova, New Builum chu Bualpui daiah a thi a, sawisak hlum ni ngeia hriat a ni.
Bualpui atanga Bengvarna thudawn danin, Zakaria-a hi Assam Regiment niin, vawiin hian chawlh lain a rawn haw a, a thianpain Lengpui Airport-ah truck-in a lo hmuak a ni. An in lam pana an haw laiin Bualpui dai, Kolasib lam panga intibuainaah an sawisa hlum nia hriat a ni a, a thianpa erawh ngaihtuah awm a ni lo. Police lamin an chhuizui mek.
He thuziahlai hian a ruang hi laksawn a la ni loa, Bualpui YMA hruaitute leh Police bakah mi eng emaw zat ruang awmna hmunah hian awmin, Aizawl lam atanga kal Forensic Science Laboratory lam an nghak mek. A sawisatu nia hriatte chu zawn mek an ni a, Kawnpui lam mi an nia tarlante a awm.
