Home

News

PIXSELL tlangzarh a ni

News

PIXSELL tlangzarh a ni

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni.

PIXSELL Application hi Laltlanfela leh PIXSELL Team-te ta niin, SIRUK Consultancy-te siam a ni a, he application-in a kentel badge vuah tawh phawt chu khawi hmunah pawh thla la tura ngenin, anmahni biak pawhna neih nghal loh pawhin he PIXSELL kal tlang hian an indawr tawn theih dawn. Tin, badge bel lem lote tan pawh PIXSELL hi hman ṭangkai theih vek a ni.

PIXSELL tlangzarh inkhawm hi H. Lalchhanhima, President, Mizo Photographers’ Society chuan kaihruaiin, Mizo thlalatute tana Platform ṭha tak siam a lo ni ta hi lawmawm a tih thu a sawi a, a tlangzarhtu Vanneihtluanga chuan heti ang application ṭha tak duangtute an fakawm thu bakah PIXSELL hi Mizote tana eizawnna leh hnathawh tur siam belh theitu application ṭangkai tak a nih thu te, tunlai khawvel mai ni lo, nakin zela Mizote tana ṭangkai tur ngaihtuah belh zel a ṭul thu te a sawi a; thlalak hralhtu, leitu leh a application Viltu PIXSELL Team-te tan pawh dan thlirna aṭanga fimkhurna tur tam tak a awm tur thu a sawi.

PIXSELL Team-te chuan he application hi Mizoram chhung leh pawna Mizote bakah hnam dang unaute, zinmite thleng pawha hman awlsam leh ṭangkai tak a nih an beisei a ni.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]

Sorkarna kan chan leh thuai ka ring – K Vena

Nizan (November 20,2026) khan MNF Gen.Hqrs. in Mizoram hmun hrang hranga MNF Block, Group leh Unit tlawhchhuah runpui November thla chhunga a kalpui mekah Serchhip bial chhung bik tlawhchhuah kharna hun New Serchhip Bazar Hall-ah buatsaih a ni a, MNF NCC member K. Vanlalvena, Ex. Rajya MP chuan a hmanpui. K.Vanlalvena chuan thu sawiin, “Zaninah […]