Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni.
Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin bike hmangin an kal a, Mat Lui (Phaileng South kai) ah hian lei dawh a la nih loh avangin bike atanga hian a pi leh Lalhruaitluangi chu chhukin bike khalhtu a pu chu a mahin tlan kai a tum a ni. A tlankai zawh loh avangin Lalhruaitluangi chu pui turin a ko a, Hruaitluangi’n puih tuma lui a dai lut chu tlu palhin tui hian a la zui ta mai niin sawi a ni
He chhiat tawh thu hi YMA Peniel Branch Hnahthial chuan an hriat velah Mat Lui hi pan nghalin Hnahthial khawchhunga veng hrang hrang, Thiltlang leh Phaileng South a mi tlawmngaite pawhin tanpui hnathawh tumin Mat Lui hi an pan bawk a, YMA Sub Hqrs Hnahthial hruaitute pawhin thutchilhin Tuipui South a Tui thiamte pawh chah an ni.
Lalhruaitluangi hian pianpui unau dang a nei lova, a sen tet atangin a pi (a nu nu) Lalhmangaihzuali’n a enkawl a, tunah hian Mantawni Memorial English School (MMES) Hnahthialah Class VI zir mekin. A hringtu nuin October 2024 khan Chatuan ram a pan san tawh.