Candidate nih kan tum lo &#8211; Tawnluia

MNF Working President Tawnluia chuan ṭhalaite khawvel a nih tawh avangin tunhnaia MNF office bearer atana ruat tharte’n candidate nih an tum loh thu a sawi.

Vawiin (21.9.2026) a Serchhipa Martarte Ni a hmanpuinaah thu sawiin MNF Working President chuan, “Tunhnaia MNF OB ruat tharte hian tumahin candidate nih kan tum lo. Ṭhalaite khawvel a ni tawh a, chuvangin MNF hian ram kaihruai a, hmasawnna kawng zawhpui turin mizo nationalism a chiang ṭhalai a tam thei ang ber kan candidate dawn a ni,” a ti

Lalduhoma thusawi chhangletin Tawnluia chuan, “Kan CM-in Law zirlaite hmaah MNF leh Home ministry inremna chauh a ni. MNF-te hi Mizoram aiawh a ni lo, a ropui chiam lo ve a ti duh. Inremna pawh teitet a tum lui ngar ngar a ni. ILP pawh sorkar laipuiin an duh hun hunah an hlip thei a ti duh,” tiin kan CM ni mek, Serchhip Bialtu MLA hian ‘dawih aw, tlanchhe aw’ a chhuah thu a sawi.

Tarlan tawh angin, tunhnai khan MNF President chuan an party working president atan Tawnluia leh vice president atan Lalchamliana leh D Thangliana a ruat thar a ni.