Candidate-te chanchin tlangpui

Dampa Bial MLA by-election lo awm tura chuh tumin mi paliin hming an pe lut tawh a, an affidavit thehluh atangin an kum zat, zirna lama an thlen chin leh an eizawnna hriat theih a ni tawh.

Hming pe lut tawh zingah MNF candidate Dr. R Lalthangliana a upa ber a, kum 69 a ni. Highest qualification-ah chuan Master of Arts (M.A), Master of Philosonhv M.Phil) leh Doctor of Philosonhy (Ph.D) tiin a dah. Profession or occupation-ah politician/associate professor (pension) tih a ni. A source of income chu MLA pension leh associate professor pension hlawh.

A upa ber dawttu chu INC candidate John Rotluangliana niin, kum 67 a ni a, profession or occupation-ah chuan politician a ni. A sum lakluhna chu MLA pension leh in luah man. Zirna lamah chuan Bachelor of Arts niin, Dayanand Anglo-Vedic College, Chandigarh atangin a zir chhuak.

BJP candidate Lalhmingthanga chu kum 50 mi niin, Himachal Pradesh University atangin MA (History) a zir chhuak. Profession or occupation-ah business tih niin, a sum lakluhnaah pawh business tih tho a ni.

A naupang ber chu ZPM candidate Vanlalsailova a ni a, kum 46 mi a ni. Profession or occuppation leh sum lakluhnaah chuan Artist, Evangelist Speaker tih a ni ve ve. Zirna lamah chuan Class XI tih a ni.