Sep 04, 2026
Friday
Zan khat riaka Champhai District tlawh mektu Chief Electoral Officer Pi Garima Gupta chuan nimin lama Election kaihhnawih official-te bakah, tlawmngai pawl leh political party aiawhte a kawm hnuin, vawiin (4.9.2026) hian Champhai Zotlangah Delete Kohhrante a tlawh.
CEO hian Special Intensive Revision neih mekah roll-a an inziah luh duh loh chhan a hmun ngeia tlawhin a zawtfiah a, anni pawhin ṭha taka lo dawngsawngin inkawmhona ṭha tak an nei a ni.
Delete Kohhrante hian an sakhuana nena a inrem loh vangin roll-ah chuan an duhthu ngeia awm lo an nih thu CEO hi an lo hrilh a ni.
Election Commission of India chuan Electoral roll felfai leh thianghlim a awm theih nan, roll-a awm lo tur te an awm loh nan leh, roll a awm thei, India khua leh tuite an awm ngei theih nan Special Intensive Revision 2026 chu ngawrh takin a kalpui mek a, tunah hian a hmawr bawk tawh niin, September n7 (Thawhṭanni) zing dar 11-ah Final Electoral Roll chu tlangzarh a ni dawn a ni.
