Home

News

Chhiarpui chungchang sawiho

News

Chhiarpui chungchang sawiho

Chhiarpui chungchang sawiho

Nimin (10.10.2026) khan Chief Secretary Khilli Ram Meena kaihhruaiin Secretariat Conference Hall-II ah census official-te nen chhiarpui (Census 2027) Phase-II kalpui dan tur inhrihhriatna leh sawihona ‘One Day State Level Conference on Census’ chu neih a ni. Phase-II ah hian Mizorama mipui awm zat inchhiarna (population enumeration) neih a nih tur thu leh raltlante pawh chhiar tel an nih tur thu tarlan a ni.

Chief Secretary chuan chhiarpui atanga data lakkhawmte chu India ramin policy hrang hrang, a bikin Vikshit Bharat 2047 tih hlawhtlin kawnga a hman tangkai turte an nih dawn avangin uluk leh felfai thei anga bera kalpui a tul thu a sawi a, “Census laimu ber pakhat, mipui awmzat inchhiarna chu phase-II ah hian neih a nih tawh dawn avangin Phase-I aiin thawhrim lehzual a ngai dawn,” tiin phase-I ang bawkin phase-II ah hian Mizoram chustate zo felfai hmasa ber nih tum leh turin a chah a ni.

2027 Chhiarpuiah hian India ramah vawi khatna atana online hmanga mahni inziahluh theihna (Self-Enumeration via Digital Mode) chu kalpui niin Phase-I: House Listing and Housing Census(HLO) ang bawkin Phase-II: Population Enumeration-ah hian Self Enumeration hi kalpui a ni ve dawn. Ruahman danin Self Enumeration hi January 10, 2027 atanga January 24, 2027 (15 days) chhunga neih tur niin House to House Enumeration chu January 25, 2027 atanga February 28, 2027 chhunga neih tur a ni a, March 1, 2027 atanga March ni 5, 2027 chhungin ennawnna (revision round) neih tur a ni bawk ang.

A vawikhatna atan caste census neih tur niin Mizorama Scheduled Caste 16 (sawm leh paruk) awmte chu an zat chhinchhiah an ni anga, raltlan (refugees) te pawh chhiar tel vek tur niin, India khua leh tui nihna an nei tihna erawh a ni lo thung. Census-ah hian Adhaar card number share duh lo an awm chuan tihluih tur an nih loh tur thu tarlan niin Special Intensive Revision (SIR) 2026-a eng emaw vanga tel lo te pawh census-ah chuan chhiar tel vek an nih tur thu tarlan a ni.

He hunah hian Land Revenue & Settlement Secretary, GAD Special Secretary (Additional State Nodal Officer for Census); district tina Principal Census Officer; GAD Joint Secretary(Joint State Nodal Officer for Census); I&PR Director; GAD Deputy Secretary(G) (Deputy State Nodal Officer for Census) leh GAD Under Secretary (G) (Assistant State Nodal Officer for Census) te chu an tel a ni.

More Posts

Zu siamna hmun ti chhia

Vawiin (20.11.2026) chhun khan Excise & Narcotics Dept. Aizawl District chuan Rangvamual leh Phunchawnga zu siamna zawn chhuah leh tih chhiat runpui an nei. Anti Narcotic Squad leh Aizawl District Excise & Narcotics Dept-te fehchhuakin rakzu siamna hmun 22-ah zu bilhlai ṭin 5,054 an tichhia a, zu siamna hmanrua pawh tam tham tak an man. […]

Top 10-te an inbuatsaih tan

EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn. LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur […]

Ramri siam rem a ni

Vawiin (20.11.2026) chawhnu dar 2:00 khan Kolasib Bawrhsap H. Dolianbuaia chuan Saipum leh Saiphai khaw inkar ramri lung (village boundary pillar) a phun. Hemi hnu hian Govt. Middle School, Saipum-ah khaw pahnihte ramri inhlanna leh inremna thuthlung ziahna hun an hman chhunzawm. Kolasib Bawrhsap chuan thu sawiin, “Harsatna leh buaina a lo thlen changin a […]