Home

News

Chin hriat loa awm damin hmuh a ni

News

Chin hriat loa awm damin hmuh a ni

Chin hriat loa awm damin hmuh a ni

August 27.8.2026 (Ningani) tlai lam atanga chin hriat loha awm Lalthanpuia Sailo, Keiṭum Field Veng chu nimin khan dam takin a inah a haw.

Lalthanpuia hi August chawhnu dat 2:30 vel khan rawtuai khawrh turin Bungtlang leh Keiṭum inkarah an kal a, a kalpui nen Keiṭum leh Bungtlang inkara Sihpui rama waiting shed-a an inthen hnuah a let tawh lo a, chin hriat lohin a awmzui a ni.

Nimin zing dar 5 bawr vel khan amahin a lo let a, a kalpui nen an inṭhenna waitingshed-ah dam takin hmuh leh a ni.

Lalthanpuia sawi danin, rawtuai khawrh tura waitingshed-a a ṭhianpa a kalsan hnu khan, kawngpui thlang lama rawtuaite a en zawh hnuah, a ṭhianpa hrilh leh tawh loin, kawng chhak lamah lawn chho-in rawtuai khawrh tumin tlak lamah a lawn liam a, rawhung pahnih a en zawh hnuah, a thlang ber en leh a tum chu savawm nen an intawng ta a ni.

Theihtawpa chakin ram lam pan in a tlan ta a, savawm hian a ûm zela a hriat avangin khaw thim hma chu ram lamah a kal ta char char a, khuain a thim hnan takah chuan a thlen chin pawh hre loin, khaw var a nghak a, khaw var hnuah khaw lamah hian a kir leh ta a ni.

More Posts

Aizawl DM-in thupek a chhuah

Aizawl District Magistrate chuan MZU Convocation hmang tura President Draupadi Murmu lokal dawn vangin, ni thum chhunga Lengpui leh Lok Bhavan inkar (via Sakawrtuichhun), Lok Bhavan leh MZU inkar kawnga ni thum chhung zawm tur a tarlang. MAGISTRATE THUPEK : Hon’ble President of India chuan November, 2026 chhung hian Mizoram University (MZU) ah 21 Convocation […]

PIXSELL tlangzarh a ni

Vawiin (21.11.2026) hian Lengzem Editor Vanneihtluanga’n MZP Conference Hall-ah awlsam zawk leh man tlawm taka thlalak lei leh hralhna application, PIXSELL tia vuah chu a tlangzarh. He application hi thla latute thiamna leh zahawmna vawn himna tur, tu pawhin mahni bakah thlalak duhzawng lei leh hralhna remchanga an hman theih tura duan a ni. PIXSELL […]

Kum 12 min tuiah a tla

Vawiin (21.11.26) chawhma dar 11:30 vel khan Ramlaitui khuaa kal tur Lahruaitluangi (12), Peniel Veng, Hnahthial chu Mat Luiah chetsualin tuiin a la a, he thuziahlai hian zawn mek a ni. Thudawn danin, tukin tukthuan eikham khan Lalhruaitluangi hi amah enkawltu a pi leh pute nen Ramlaitui khuaa Lalhruaitluangi nu ute tlawh turin Hnahthial atangin […]