News

Vawiin (August 29, 2026) hian MPCC Vice President Zodintluanga chuan Sihphir Group Congress Committee te tlawhin Sihpbir YMA Runah political trainning a neihpui a, Mizoramah Congress Party sorkar tir duhna a lian sawt nia sawiin, Chief Minister Lalduhoma chu mahni leh mahni inhnial tawkah a puh.

MPCC Vice President chuan BJP chu India ramah hneh takin an sorkar a, an la sorkar lohna West Bengal-ah te pawh hnehna an rawn chan chhoh zel thu sawiin, “Hetiang a nih chuan India ram inthlanpui, 2029 a neih turah India rama politic chinchang hriate chuan sorkar leh ngei tur an ngai a ni. Nimahsela, hun a kal a, hmanni lawkah India ram ṭhalai nuai tam fete chu Jandar Mantar-ah pungkhawmin BJP-fe hi India ramah an hniam chak em em a ni. State hrang hrangah bye election neih niin BJP te chu an tla lamah an ṭang chho ta zel. Hetih lai hian India ram ṭhalaite hian Rahul Gandhi chu prime minister cheibawlin an cheibawl ṭan tawh a ni,” a ti.

Zodintluanga chuan, zankhat thil thuah politics hi a danglam thei tih sawiin, “Chu chu India ramah pawh a chiang a ni. Tumah hian Mizoramah pawh keimahni thawh vang ni miah loin mipui rilruah Congress Party sorkar tir duhna a lian sawt hle. A hunlai zelin Congress Party hi Zoram mipuite mamawh thlentu leh hmasawnna thlentu kan ni,” tiin mi tam takin Congress Sorkar hun an nghakhlelh thu a sawi.

Mi tam takin NLUP an sawichhe ṭhin tih sawiin Zodintluanga chuan, “Nimahsela, vawiin ni thleng a, NLUP avanga eizawnna mumal nei ta han hmuh hian a inchhir awm loh a, hmana rangva kan lo sem tawh, vawiin ni thlenga la hmang an awmte hian min tihlim tak zet a ni. 1998 ah Tuirial Hydel Project nei turin bul kan ṭan a. Nimahsela, kan sorkar a lo tla a, MNF CM unauten compensate an lak tam lutuk avangin Tuirial HEP chu a hlamzuih a. ZMC tia kan hriat lar tak Falkawn Hospital pawh a pawisa kan sawi chhuak vek a. MNF ten hna an thawk. An sa pum thei lo. Ar vulhna atana hman a nih hnuah Congress Sorkar bawkin bul ṭan ṭha lehin medical college hial kan lo nei ta a ni,” a ti.

MPCC Vice President chuan CM Lalduhoma’n tunhnai Assembly Session neih zawh takah MNF-te debate neihpuiah a cho tih sawiin, “Chief Minister hi amah leh amah a inhnial tawk viau,” tiin midang debate pui chu thil ṭul lo tak nia a a hriat thu a sawi.