News

Vawiin (23.10.2026) chawhma khan Champhai Circuit House Conference Hall-ah Bans Kaih Component pakhat Decentralised Planning hnuaia District Transformation Programme hmanga Champhai Deputy Commission bultuma kalpui tur, Project Learning & Education Advancement in District Champhai (Project LEAD Champhai) chu Chief Minister Lalduhoma’n a hawng.

Chief Minister chuan India ram hian kum 2047 ah ram changkang nih a tum a, chu mi mil chiah chuan Mizoram hian kum 2047 ah India GDP zaa pakhat lo thawhchhuah ve theih kan tum tih sawiin, “Chu dinhmun thleng tur chuan nasa taka kan inthlakthleng (transform) a ngai. Bana Kaih atangin District Transformation Programme te kan siam a ni. He programme kal tlanga Champhaiin hmalakna tha tak in lo kalpui hi a lawmawm hle a ni,” a ti.

Kumin March 2 khan Chief Minister hian district tinte chu Bana Kaih Decentralised Plan hnuaiah hian Catalytic Fund cheng vbc. 1 theuh a lo pe tawh a, he fund hmanga hnathawh kal zel kha niin Champhaiah hian project LEAD bik tan cheng nuai 25 Lakh ruahman a ni. School mamawhte pek an nih bakah chhiarkawp leh science zirtirtute tuaihriam nan Ajim Premji University-te nen thawhhona kalpui a ni.

District chhunga school hrang hrangte hnenah zirna atana an mamawh hmanruate sem nghal a ni a, chungte chu: water filter – 20, water cooler – 20, whiteboard – 30 leh torage box – 32 te an ni.