Oct 23, 2026
Friday
Mizoram Police leh Assam Rifles tangkawp chuan October 21, 2026 khan Bawngkawn Veng huam chhungah pistol pahnih an man.
An thudawn bawhzuiin Mizoram Police leh Assam Rifles tangkawp hian joint operation an nei a, pistol pahnih, magazine pali, magazine feeder pakhat, hand grip pakhat leh mobile phone pahnih hmu chhuakin an man. Heng kaihhnawihah hian mi pahnih an man tel. Mi pahnihte hi dan loin silaimu leh silai zawrhna dawrah hralh an lo tum a ni.
Pistol an mante hi Made in USA tih chuang .32 Auto Werywin Defence Victor Pistol leh Made in India tih chuang7.65 mm Stallion C-32 Pistol-te an ni.
Mi pahnih leh pistol leh a kaihhnawihte hi Bawngkawn Police Station-ah lak niin, Arms Act hnuaiah thubuai ziahluh a ni a, dan anga chhui chhunzawm a ni ang.
