CM-in MSHRC-te a kawm

Vawiin (24.9.2026) khan Chief Minister Lalduhoma chuan a office-ah Mizoram State Human Rights Commission (MSHRC) Chairperson leh member-te a kawm.

Chief Minister hian lawmpuina leh an kal zelna tura duhsakna a lo hlan a, hna an thawhna atana an mamawhte sawipuiin, an mamawh zualpuite chu a ranglama ngaihtuah a nih tur thu a hrilh a ni.

MSHRC Chairperson Justice Marli Vankung, Former Judge, Gauhati High Court, chuan MSHRC hmasaber atana sorkarin a ruat avangin Chief Minister hnenah hian lawmthu a sawi a, “Phur taka thawh kan tum a, complaint pawh pathum kan dawng tawh a ni,” a ti.

Chairperson chuan commission thar a nih avangin thawktuah leh hmanraw lamahte mamawh eng eng emaw an nei tih sawiin, lawmthu rawn sawi pahin chung an mamawh zualpuite an thlen tih CM hi a hrilh.

Mizoram State Human Rights Commission Chairperson Justice Marli Vankung, Former Judge, Gauhati High Court, member Vanlalenmawia, MJS (Rtd.) leh K. Lal Nghinglova, IAS (Rtd.) te hi July 29, 2026 khan Larsap General Vijay Kumar Singh chuan rinawmna thu tiamtirin a lalut a ni.