CM-in review meeting a neihpui

Vawiin (28.9.2026) Chief Minister Lalduhoma chuan CM Conference Hall-ah Sericulture Department review meeting a neihpui a, Sericulture Minister Lalthansanga, officials te, Finance leh DP&AR official-te an tel a ni.

Chief Minister chuan, Viksit Mizoram 2047 tihlawhtling turin kawng hrang hrangin hma kan la mek a, ” Tuna loneitu tam takin hma an lak tawhna Sericulture lamah pawh hian a theih ang anga hmalak a tha kan ti. Mizoram hi silk tharchhuaktu state lian tak kan nih theih nan project lian tham deuh tak kalpui a thain kan hria a ni. Chak zawka hna in thawh theih nan in harsatnate hriat kan duh a, review meeting kan han ko a ni. District officer-te pawhin inthlahrung lovin in hnathawhna hmuna in mamawhte sawi ula, inpawh takin engkim kan sawi dawn nia,” tiin meeting koh chhan a sawi hmasa a, an hnathawhte leh an harsatna hrang hrangte an sawi zui a ni.

Department hmalakna tlangpuite chu:

1.Sericulture farmers hi mi 70,40 an awm mek a, kuminah hian September thla thlengin Cocoon hi 53.8260 metric ton an tharchhuak tawh.

2.Cocoon hi tun hma chuan sorkar hian kg 1 Rs. 300 in a vulhtute hnen atanga lei a ni thin. Tun hnaiah sorkar chuan Rs. 350 ah a tipung.

3.Saitual District-a Sericulture Cluster hmalakna tura Hand Holding atanga sorkarin a puih avangin department chuan lawmthu an sawi. Rural Development Department-in hmun hnihah tanky lian a siamsak avangin an lawm hle.

4.Chief Minister chuan pangang khawituten an mamawh pangang tharchhuah an dahthatna tur refrigerator lei belhna Planning-ah proposal thehlut turin a hrilh.

5.Thawktu indaih lohna nasa zual hnawhkhah chungchang, a bik takin rearrer lak an nih thuai theih nan recruitment rules siam ngaite siam that ni se, an ti. Post dangte pawh proposal thehlut tura tih an ni.

6.Central Sector hnuaiah Eri Coccoon & Yarn Production Cluster Development hi Aizawl, Lunglei leh Saitual district-ahte kalpui mek a ni. Loneitu 120 a huam ang.

7.Central Sector hnuaiah tho hian Integrated Muga Sericulture Development in Mizoram chu Aizawl leh Saitual District-ah chhungkaw 70 huamin kalpui mek a ni.

8.Central Sector hmang vek hian Aizawl leh Saitualah hian Comprehensive Mulberry Value Chain Enhancement Project kalpui mek niin loneitu 60 a huam.

9.Handholding hnuaiah Phase 1-ah CM Special Package hmu mi 30 an awm a, Loan hmu 9 an awm a. Phase 2 ah CM Special Package hmu 29 an awm a, loan partner 1 an awm bawk a. Loan hmutute hian tha takin an loan hi an rul hlawm a. Handholding hmu 70% ten Cocoon an thar chhuak tan (production stage) tawh a. An zinga pakhat Hrangngaihkimi, Tawipui North II chuan hna a thawh that avangin CM Award 2026 a dawng a ni.