News

Vawiin 27.7.2026) chhun khan Chief Minister Lalduhoma chuan ZMC&H a tlawh a, Health Minister Lalrinpuii leh Adviser to CM TBC Lalvenchhunga, MLA-te’n an tawiawm.

Chief Minister thu sawiin chuan, ’16th Finance Commission hun chhung hian Sorkar Laipui chuan Financial Assistance to States/UTs for Public Health infrastructure (FASPHI) scheme a kalpui dawn. Kum 2026-27 chhung atan Rs. 4200 crore a dah hrang a, Mizoram chuan cheng vbc. 120 kan chang ve dawn a ni.

Sorkar thuchhuah tarlan danin, he scheme-ah hian indicator pali – (1) Infant mortality rate (IMR), (2) Maternal mortality ratio (MMR), (3) Tuberculosis mortality rate (TB-MR), leh (4) damdawiin (sub-centre te tiamin) National quality assurance standards (NQAS) certify zat–te hmanga state hrang hrang ten lawmman an dawn tur hi chhut a ni a.

Mizoramin lawmman (incentive) kan dawnna indicators te chu – IMR leh NQAS certified damdawiin neih tam (percentage of health facilities that are NQAS certified) te an ni. IMR hi 2023 ah 13 (naupiang 1000 zela 13 thi) niin 2024 ah 12 a tlakhniam avangin Rs. 20 crore incentive dawn a ni a.

NQAS certified damdawi inte hi 2024-25 atanga 2025-26 a a punna hi 21.07% a nih avangin cheng vbc. 100 crore incentive dawn a ni. Hei hi a dawn theih sang ber a ni.

Chief Minister chuan, “Ministry of Health & Family Welfare (MoHFW) atangin kan claim tur zat hi min rawn hrilh tawh. Cheng vbc. 120 man hu project proposal thehluh tawh niin MoHFW hian min pawmsak tawh a ni. MoHFW hian July thla ral hmain proposal-te hi Ministry of Finance ah a thehlut dawn a ni,” a ti.

Lalduhoma chuan hnathawh that vanga lawmman (incentive) dawn thin lawmawm a tih thu sawiin, “hmalakna tur dik taka kut kan thlak thinzia tilangtu a ni a, a chhuanawm a ni,” Health Minister leh Health Department-a a thawktute chungah lawmthu a sawi a ni.

Chief Minister hian ZMC&H hmunhmate a fang a, an mamawh hrang hrangte a hmunah a enpui nghal a ni.

He Scheme atanga Mizorama hnathawh tur project approve tawhte a tarlang nghal a, chungte chu:

1.Upgradation of Sakawrdai non-first referral unit (non-FRU) – community health centre (CHC) to a FRU-CHC, project cost Rs. 20,43,97,000.00

2.Upgradation of Kawrthah non-first referral unit (non-FRU)- community health centre (CHC) to a FRU-CHC, project cost Rs. 20,80,08,000.00

3.Upgradation of West Phaileng non-first referral unit (non-FRU)- community health centre (CHC) to a FRU-CHC, project cost Rs. 20,80,08,000.00

4.Upgradation of Bungtlang South non-first referral unit (non-FRU)- community health centre (CHC) to a FRU-CHC, project cost Rs. 21,53,37,000.00

5.Establishment of Infectious Diseases Ward at Lunglei District Hospital, Project cost Rs. 3,82,45,100.00

6.Establishment of Infectious Diseases Ward & Tuberculosis Treatment Unit at Kulikawn Sub-District Hospital, Aizawl, Project Cost Rs. 6,36,42,400.00

7.Establishment of Infectious Diseases Ward at Lawngtlai District Hospital, project cost Rs. 3,84,55,205.00

8.Procurement of equipment for strengthening of Tuberculosis diagnosis in Mizoram, project cost Rs. 1,54,20,000.00

9.Equipment for Maternal & Child Care at various levels of health facilities, project cost Rs. 20,84,87,295.00