Aug 31, 2026
Monday
Vawiin (31.8.2026) hian Planning Conference Hall-ah Chief Minister Lalduhoma hoin Winter Festival 2026 Organising Committee-te an thukhawm a, Winter Festival 2026 hman dan tur an rel a ni a, nikum lama Winter Festival neih tawh dan an thlirlet nghal.
Chief Minister chuan Mizoram chu Winter Capital of India-a siam an tum mek thu sawiin, “Chu mi atana kan hmalakna langsar ber chu Winter Festival hi a ni. Entrepreneurship lama Mizoram tihlarna hmanrua tur a ni. Tourism Department bul tuma kalpui ni mah se, department zawng zawng nena thawhho (convergence) ngai nih avangin department hrang hrangte kan inko khawm a, kan department hmalakna zawna kan lo tih ve theihte in ngaihven theuh kha kan duh,” a ti.
Meeting-ah hian Tourism Minister Lalnghinglova Hmar leh department hrang hrang hotute an tel a ni.
