CM leh party president nihkawp tha ka ti lo

Chief Minister Lalduhoma chuan party constitution chu siamthat theih a nih angin, siamtha tur rawtna hrang hrang a luh thu sawiin, ‘Drafting Committee kan din a, chumi hnuah executive committee-ah kan ngaihtuah ang a, chumiin a pawm chin chu a ni ang,’ a ti.

Lalduhoma hian vawiin (24.6.2026) a press conference a neihnaa zawhna chhangin, ama mimal chuan chief minister leh party president nihkawp tha a tih loh thu a sawi a, ‘A rawttu pawh ka ni a, keimah avanga thun pawh kan ni. Mipui hmaah pawh CM leh party president nihkawp tha ka tih loh thu ka sawi nasa,” tiin CM leh party president nihkawp loh chu a dinna a la nih reng thu a sawi.

An President-in a hriselna dinhmun avanga Delhi-a a kal dawnin, charge a pek thu sawiin Lalduhoma chuan, “Kan Vice President elect a hriselna dinhmun avanga charge hlan theih loh avang leh EOB ka nihve tho avangin charge min hlan a ni. A rawn haw a, charge a la leh tawh,” a ti.

Lalduhoma chuan president nih hlen a tum loh thu sawiin, ‘Congress leh MNF-in CM leh president ka nihkawp an hlau. Ka chelh kawp dawn lo,’ tiin a dinns ngaiah a din tlang dawn thu a sawi.