Ricky-a ruang an in thlenpui tawh

September 26, 2026 (Inrinni) tlaia mi kut tuar, nimin (4.10.2026) chawhma dar 11:18 a Civil Hospital, Aizawla thi Ricky Lalhruaitluanga (32), Lunglei Rahsiveng ruang chu nizan dar 11:30 khan an chenna in thlenpui a ni.

Ricky-a ruang hi Rahsiveng khawtlang mipui thahnem tak leh a thianten Thenzawlah leh Pukpui daiah lo hmuakin, an chenna in thlenpui a nih lai hian boruak duhawm lo thleng palh thei vengin Lunglei Police leh Rahsiveng khawtlang hruaitu thahnem tak chu pawikhawihtua puh Lalthanpuia (23), Rahsiveng te in leh a chhehvelah an duty a ni.

Rahsiveng thalai rual thinrim pungkhawmte chuan pawikhawihtute chenna in leh an dawr bang leh tukverh darthlalangte chu hmun eng emaw zatah lung hmangin an vawm chhia. Police te leh khawtlang hruaituten ban an phar avangin In chhungah erawh an lut lo thung.

Rahsivenga mipui thinrim pungkhawmte hian pawi lian tham leh thil tih chhiat liantham an neih hriat a ni rih loa; zing lam dar 1 rik hma deuhah hian an țin fel.

Hetih lai hian Ricky-a kutthlaktu a puh, District Jaila khung mek Lalthanpuia Rahsiveng chu District Jail, Lungleiah awm mekin a chhungte pawh hmun him lamah dah lailawk an ni.