Commerce & Industries Minister F Rodingliana chuan vawiin (16.10.2026) chhun khan Bamboo Development Agency in Bamboo Technology Park, Sairanga Toothpick Making Unit thar a din chu a hawng.
F Rodingliana chuan industry tihhmasawnna turin sorkarin nasa taka hma a lak mek thu sawiin, “Industry tha dinna turin sorkarin industrial area-te pawh a cheitha mek zel. Hetiang lama tuimite leh hlawhtlin tuma tihtak zet a thawkte tan sorkarin hmunhma pawh a ruahmansak zel dawn,” a ti.
He huna tarlan a nih danin, Toothpick Making Unit sorkarin Mizorama mautak hman tangkai na tura National Bamboo Mission Scheme atanga ruahman a ni. Project cost chu cheng nuai 83.00 a ni. He unit thar hian Mizorama mau tak kan neih tam em em hi tangkai taka hmangin, eizawnna thar siam leh hmasawnna kawnga hman tangkai theihna kawng thar a hawng dawn.
He Toothpick Making Unit hian Mizo thalaite tan hnathawh tur thar (employment opportunities) a siam belh dawn bakah, Mizoram economy siam thatu pawimawh tak a nih ngei beisei a ni.