Sep 17, 2026
Thursday
Tourism Minister hlui pahnih John Rotluangliana leh Robert Romawia Royte bakah MLA hlui Lalrindika Ralte ten Skywalk leh Ropeway case a discharge application (chhuah zalen/thubuai an neih tihtawp dilna) an thehluh chu Special Court, PC Act and Mizoram Lokayukta Act 2014 Court chuan a hnawl.
Mi pathumte hian he thubuaiah hian thiam loh nei loin, thubuaiah telh ve ringawt an nia ngaiin, discharge application an thehlut a ni. Court chuan nimin (16.9.2026) khan mi pathumte dilna hi a hnawl.
Hetihlai hian, court chuan he thubuaiah hian mi pathumte hi an dik ngei e emaw an dik lo ngei e tih theih a la ni lo tih a tarlang tel a, a dik lo ngei a nih chuan chhuitute’n an chhui hun chhungin finfiahna pawmtlak tak an neih a ngai tih pawh a tarlang.
