News

Vawiin (19.9.2026) chhun dar 1 vela Sethawna electric current-in a man vanga nikhaw hre loa awm kan tarlante kha an damdawi in panpui nimah se, chhan theih an ni lo.

Serkhan YMA chhinchhiah danin, electric current man vanga thite hi Lalrinawma (18), Vawngawnzo khua, Mamit District; Lalruatfela (20), Thingpuikuol khua, Manipur leh Hianhumhim (16), Aikawh, Myanmar-te an ni. An pathum hian inhlawh vek an ni a, vawiin hian postmortem an ni.

Tarlan tawh angin, fourlane laih mek vangin electric ban phun sawn a ngai a, Serkhan huam chhunga inhlawh mi parukte chu ban an tun hnu lawkah electric current-in a man a ni. An ban tun hian electric line a tawk nia hriat a ni.

Vanduaina thlenna hmunah hian mi pathum chuan nikhua an hre lo nghal a, pathum chu hliam tuar mah se, biak theih an ni. Nikhaw hre lo pathumte hi Kolasib Damdawi In panpui nimah se, chhan theih an ni tawh lo. Midang pathumte hi chu damdawi inah enkawl mek an ni.

File photo