News

Vawiin (9.10.2026) chawhnu dar 1:30 bawr vel khan Lalsiamthara (51) h/o Lalchawimawii, West Phaileng chu electric current man vang ni ngeia hriatin a thi.

West Phaileng atanga Bengvarna thudawn danin, Lalsiamthara hi an khuaah tho mi tuidawn siamin a inhlawh a, hna a thawhna hmuna dar 1 vela mobile phone a hman dawn lai velin a bula electric current line a tawk palh nia hriat a ni.

Damdawi in panpui vat nimah se, chhan theih a ni tawh loa, a hliam tuar loin a thi. Naktukah vui a ni ang.

A nupui Lalchawimawii hi an kohhran nuho inkhawmpuia tel turin Sialsuk panin an kal a, Muallungthu bawr vel an thlenin a pasal dinhmun hi an hria a, an let leh a ni. Zanin dar 8:15 vel khan an in an thleng. Fa panga an nei.