News

Aizawl Traffic Police chuan nizan (14.11.2026) dar 9:00 atang khan a tuk khawvar danw thlengin Aizawl khawchhung hmun hrang hrangah ‘Zan Special Drive’ nei lehin; dán bawhchhiatna hrang hrang avangin mi 74 man an ni.

Hunpui vuakveta lirthei chetsualna leh dan bawhchhiatna avanga harsatna thleng thin ti tlêm turin Aizawl Traffic Police chuan theihtawp an chhuah zel dawn tih tarlangin, “Dan zawm kawnga tan la thar zel turin kan inngen a ni. Duty awm remchan lohna hmuna dan bawhchhia; midang tana harsatna thlente chu Traffic Control Room (9366553559 & 0389-2313061)-ah hriattir theih reng a ni.
Hunpui vuakvetah kan khawpui a lo him zel thei na’n chhûn/zán special drive hi nasa zawka kalpui zel a ni ang,” an ti.

AN MANTE CHU :

Tlan phal loh zawnga lirthei khalh: 24
Driving License nei loa lirthei khalh: 19
Helmet khum loa two wheeler khalh: 12
Rui chunga lirthei khalh: 5
Lirthei ri bengchheng: 1
Dan bawhchhiatna dang: 13