Department hmalakna puang chhuak

Minister of State Lalnghinglova Hmar chuan nimin (18.10.2025) khan Circuit House, Champhaiah press conference a nei a, a department chan pali – Sports & Youth Services, Tourism, LESDE leh Excise & Narcotics kaltlanga Champhai District-a project leh hmalakna hrang hrangte puangin, ‘Kum hnih chhungin Champhai District chhungah cheng nuai 9638.84 hu a tling tawh,’ a ti.

Lalnghinglova chuan Champhaiin kawng hrang hrangah theihna a nei sang tih sawiin, ‘A bikin tourism lamah theihna a nei sang takzet a, chu chu Hnahsin Kutah kan hmu a ni. Tourism tihhmasawnna turin sorkarin ruahmanna lian tak tak a nei,” tiin tun hnaia an hmachhawpte a puang.

LESDE hnuaiah hmasawnna tam tak a thleng mek tih sawiin Lalnghinglova Hmar chuan, an hmalaknate leh Champhai District puala an thawh chinte a tarlang.

Sports Minister chuan Sports and Youth Services Department hnuaiah Mizoram State Sports Council kal tlangin Chhangphut Field-a zana inkhelh theihna siam a nih hnuah, New Champhai khelmual chu cheng vaibelchhe 12 chuanga siam a nih tur thu leh sum a awm tawh thu a sawi.

Excise Minister chuan Champhai District chu ramria awm a nih avangin ruihhlo leh sorkar phal loh thilin a paltlang nasa tih sawiin, ‘Thawktute an rimin theihtawp an chhuah. Ruihhlo an man zat leh thubuai an siamsak zat aṭangin an thawh nasat dan a lang,’ tiin fakawm a tih thu a sawi.

Lalnghinglova Hmar in a department chan paliin Champhai District-a an hmalakna a sawite chu a hnuaia tarlante hi a ni.

Heritage and Cultural Centre, Champhai – Rs. 3387.25 lakhs (Swadesh Darshan 2.0 under Ministry of Tourism
Eco-Resort Experience at Keilungliah, Champhai (Swadesh Darshan 2.0 under Ministry of Tourism)
Development of Basic Amenities under PRASHAD Scheme in Vangchhia, Champhai District – Rs. 547.32 lakhs (Ministry of Tourism)
Construction of Artificial turf (football) at New Champhai – Rs. 1201.52 (PMJVK)
Chhangphut Field floodlight – Rs. 457 lakhs (SASCI 2023-24. Hei hi December 12, 2024 ah Hon’ble CM Lalduhoma’n a hawng
Hnahsin Kut sponsor: LESDE Department atangin Rs. 10 lakhs leh Tourism Department atangin Rs. 3 lakhs
LESDE Department hnuaia Mizoram Building & Other Construction Workers Welfare Board (MBOCWWB) atangin Champhai District-a Welfare Board memberte puihna – Rs. 147.30 lakhs

Thlalak : Lalnghinglova Hmar in an hmalaknate a hmunah a tlawh