Dikna leh rinawmna a fam mek &#8211; Tawnluia

MNF chuan vawiin (5.10.2026) chhun khan an office-ah chhung inkhawm an hmang a, thusawitu MNF Working President chuan dikna leh rinawmna a fam mek thu a sawi.

Tawnluia chuan ZPM Sorkarin nasa takin mipui min bum nia sawiin, “Dikna leh rinawmna a fam mek a ni. Mipui thinlungah an hniam tial tial. CM hian Hitler-a ang maia thuneihna pumhmawmin, portfolio a ngah lutuk a, Finance hi a chang thiam loa, a hnehlo hle tih a chiang. SASCI sum tamtak a lapse a, tun financial year chhung hian state dangten SASCI sum tamtak an dawn tawh laiin, ZPM sorkar hian chengkhat pawh a la hmu ve lo. Hemi chungchang hi mipui hmaah sawifiah ngei turin CM hi kan phut a ni,” a ti.

ZPM Sorkarin sorkar hmasaten tihdik loh tamtak an nei angin an sawi fo tih sawiin Tawnluia chuan, “Mah se, case nei sawitur kan awm si lo. Chhui kan ngam a ni tih pawh kan sawi tawh. MNF chu thalaite din a ni a, thalaite hmakhua ngaiin policy tha tak a hrualmum mek a ni. Thalaite tan zau takin kawng kan hawng,” tiin dikna leh rinawmna tungdingin, corruption free gov’t an tiam thua sawi.

MNF Working President chuan MNF President Zoramthanga chungchang sawiin, “Mizorama party hlun, azawna kum 36 zet hruaitu, term 3 zet Chief Minister lo ni tawh Pu Zoramthanga hian India mai ni lo, khawvel thalaite rilru a chawk tho. Faktlak leh entawntlak anihzia miten an hrethar zel a ni,” a ti.