Biometric Aadhaar Authentication tih tur chungchangah LPG consumer-te hnenah Food, Civil Supplies & Consumer Affairs (FCS&CA) Department chuan a hnuai ami ang hian thuchhuah a siam.
Ministry of Petroleum and Natural Gas (MoP&NG)-in ruahmanna a siam anga India ram chhunga domestic LPG consumer-te’n Biometric Aadhaar Authentication (BAA) an ti ngei ngei tur a ni a tih angin Mizoram chhungah pawh hun eng emaw chen atang khan oil company hotute leh agency-te’n hma an la tawh a, heti chunga Biometric Aadhaar Authentication (BAA) la ti lo chuan LPG rate pangngai (retail selling price with subsidy) angin October 1, 2026 atang chuan an la ve thei tawh dawn Io a ni.
He ruahmanna hian a tum ber chu LPG subsidy rate-a a chang tur dik tak ten LPG an chan theuh theihna atan a ni a, chumi tihhlawhtlin nan chuan BAA hi LPG consumer zawng zawngten an tih ngei hi Sorkar Laipui chuan a phut ve thung a ni. BAA la ti lote tan tihdan kawng hrang hrang a awm a, chungte chu:-
- Gas book an rawn dah hunah gas rawn dah tuten an tihsak thei – OMC Mobile App kaltlangin.
- Consumer-ten an mahni Gas Agency Office panin an lo tihsak thei.
- Mahniin OMC Mobile App hmangin tih theih a ni:
Indian Oil ONE for IOCL customers
Hello BPCL for BharatGas customers
HP Pay for HP Gas customers
FCS&CA Department chuan hei hi Mizoram chhunga LPG connection nei zawng zawngten ti ngei turin a chah a, he BAA ti ve lote chuan man to zawk a LPG hi an lak a ngaih dawn avangin ngaipawimawh turin mipuite a chah a ni.