Oct 19, 2025
Sunday
Ni 17.10.2025 khan Assam Regiment tanglai Sanghmingthanga (35), Buhban khua chu Kamakhya Rail Station, Guwahati bulah thiin hmuh a ni. Kamakhya Rail Station hi Guwahati khaw dai deuhah a awm a, tuna Sairang atanga rel service mek Guwahati-a a dinna nen a in ang lo.
Bengvarna thulaknain a tarlan danin, Sanghmingthanga hi Tinsukia, Assam-a post lai a ni a, ni 16.10.2025 khan a pi thi a, heivang hian chawlh laiin, rawn haw tum a ni. Guwahati a thlen hnu ni 16.10.2025 pawhin a chhungte a rawn bia a, zan dar 7:30 vel atangin biak zui theih a ni tawh lo.
A ruang chhar a nih thu hi a chhungte chuan ni 17.10.2025 zan khan an hria a, police lamin damdawi inah dahin an postmortem a ni. Guwahati Mizo Welfare lamin a tul ang ang an buaipui zui. He thuziahlai hian Buhban panpui mek a ni a, zanin (19.10.2025) ah lumen puiin, naktukah vui a ni ang.
Sanghmingthanga thih chhan tak hi hriat theih a la ni lo a, a luah hliam tuarin (a kak), a khup vel a pilh nel nual. Sanghmingthanga hian a nupui fanaute leh a chhungte dang a kal san.
