News

Assembly Session neih zawh takah Health Minister Lalrinpuii chuan ZPM Member H Ginzalala zawhna ziaka chhangin Zoram Medical College & Hospital (ZMC&H) tih
changtlunna atana sorkar hmachhawp hrang hrangte a tarlang a, “ZMC&H tih
changtlun avang hian nasa takin phai lama damlo refer case hi a tlem phah,” a ti.

ZMC&H ATANA HMACHHAWPTE :

1)Cardiothoracic & Vascular Surgery (CTVS) Operation Theater bil hi
tih changtlun mek a ni.

2)Neuro Surgery Unit bun thar tura ruahmanna siam mek a ni.

3) Cardiology service changtlun nan Cath-Lab nei tura ruahman mek a
ni.

4)Diathermy khawl, C-arm khawl leh Advance Life Support Ambulance1, CSR funding atangin Zoram Medical College & Hospital-in a dawng.