High Court-ah Robert Romawia

ROBERT ROMAWIA HIGH COURT-AH

Tourism Minister hlui Robert Romawia Royte, MLA chuan, ropeway leh skywalk chungchang chhuinaah discharge mai tura a inrin lai leh dan kalha chetna emaw, eirukna thila inhnamhnawihna emaw a neih lohzia a chian vek laiin he thil atanga amah chhui zui lova chhuah zalen (discharge) a dilna pawm a nih loh avangin High Court-ah a dikna hailan a nih nan zualko a tum tih a sawi.

Robert Romawia Royte chuan, “Thu dik lo hmanga chargesheet siamtute nen High Court Field zawlah kan inkhel law law ang chu, Civil construction-a Running Account Register awmzia hre lo an awm a nih pawhin kan entir anga, kan hrilhfiah ve tawh ang chu maw le. Officials leh ‘Cials lote pawh thu dik lo hrilhtu an awm chuan Chargesheet thar lehzel an ni ngei ang” a ti.

Tarlan tawh angin, Robert Romawia bakah hian he thubuaia hming lang dang Tourism minister hlui John Rotluangaliana leh MLA hlui Lalrindika Ralte ten he thbuaia zalen tir an dilna chu nimin (16.9.2026) khan Special Court, PC Act and Mizoram Lokayukta Act 2014 chuan a hnawl a ni.