High Court-in thiam chantir

Nimin (1.9.2026) khan Gauhati High Court chuan ruihhlo kaihhnawiha man vanga kum 10 lung in tang tur leh Rs. 1,00,000 chawi tura Special Judge, NDPS Court, Champhaiin hremna a pek tawh chu a thiat a, he thubuaiah hian thiam a chan tir.

October 18, 2024 khan Special Judge, NDPS Court, Champhai chuan NDPS Act Section 21(c) leh 25 hnuaiah Lalrosanga chu thiam loh chantirin, kum 10 chhung lung in tang tur leh cheng nuai 1 chawi turin hremna a pe a ni.

Lalrosanga hian he thutlukna hi pawm loin Gauhati High Court-ah criminal appeal a thleh lut zui a ni. Justice Kaushik Goswami chuan appeal hi pawmsakin, trial court-in thiam loh a chantirna leh hremna a pek chu a tihtawpsak a, Lalrosanga chu a thiam chantir ta a ni.

High Court hian a rang lama chhuah zalen a nih ngei nan release order chhuah vat tur leh, thuneitute hnenah hriattirna thawn nghal turin Registry a hrilh.

Thutlukna kimchang inziahn (judgment) chu niminah peih hman a nih dawn loh avangin, Judge-in Court chhungah thiam a chantirna hi a puang . Tun dinhmunah chuan order tawi chiah a la awm avangin, a kimchang zawkin judgment chhuah hnuah lo dah leh tum a ni.

Source : www.jclalnunsanga.in