Home

News

High Court-in thiam chantir

News

High Court-in thiam chantir

High Court-in thiam chantir

Vawiin (30.9.226) hian Justice Sanjeev Kumar Sharma, Gauhati High Court chuan Abdul Mukit, methamphetamine 4.3 kg man sak avanga Special Court, Champhai-in thiam loh a chantirna chu a Forensic Science Laboratory lama sample finfiah danah rinhlelhna a awm avangin thiam a chantir.

February 22, 2021 khan Champhai – Zokhawthr road-a Hringlangtlang Junction-ah police-ten random checking an neih laia Alto Car pakhat an check avanga damdawi an man chhuah chungchang a ni. Car chhunga polythene dum pakhat chhungah methamphetamine kilogram 4.372 vel a rit an man a, local market-ah cheng vbc. 1.2 velah nia chhut a ni.

High Court hian thiam a chantir chhan ber chu chu dam dawi man te Forensic-a thawn dawna dah that loh avang a ni. Damdawi mantu chuan damdawi-te chu Champhai Police Station Officer-in-Charge hnenah a hlan thu a sawi mah se, prosecution chuan malkhana register emaw receipt emaw, seized articles-te malkhana-ah an dah ngei tih finfiahna chu Court-ah an ti chiang lo.

High Court chuan, seized articles-te chu O.C. hnenah hlan a nih thu chauh hmanga NDPS Act hnuaia hrem chu a dik lo a ti. Damdawi man-te chu Magistrate hmaah a thlen hma zawkah engtiangin nge safe custody-ah dah an nih tih finfiahna pawh a awm lo.

High Court chuan damdawi man sample-te chu February 23, 2021-ah Magistrate hmaah lak, pack leh seal niin, FSL chuan March 1, 2021-ah a dawng tih a sawi. Heng ni 7 (sarih) chhunga sample-te chu tu kutah nge awm tih leh engtiangin nge safe custody-ah dah an nih tih prosecution witness-in an sawi chiang lo.

Magistrate-in sample-te chu seal-in a rawn thlen tih a certify mahse, sample-te chu ama hmaah seal an nih tih chiang taka a certify lo a ti.

High Court chuan, FSL-in sample-te chu sealed condition-in a dawng a, seal chu sample seal nen a inang tih report a awm mahse, sample-te safe custody-a an awm dan chungchangah evidence tha a awm loh chuan seal chu an inthlak emaw an rawn tihdanglam emaw theihna a awm tih a sawi.

High Court chuan damdawi man chu Magistrate hmaah thlen leh FSL-a sample test a nih thlengin, tih danglam a ni lo tih finfiahna record fel tak a awm ngaih thu a sawi. High Court chuan Supreme Court in a sawi angin FSL report chu pawm tlak tur chuan damdawi man an lak atanga atanga FSL-ah an thlen thlengin thil thlen dan in dawt fel tak leh sample pack chhin chhiah that a finfiah a ngaih thu a sawi a ni.

He case-ah chuan sample-te FSL-ah tu nge thawn tih pawh chiang taka sawina witness a awm lo. Chuvangin prosecution chuan damdawi man leh FSL sample-te inlaichinna fiahna a awm loh avangin Abdul Mukit, methamphetamine 4.3 kg man sak chu thiam chan tir a ni.

Source : https://www.jclalnunsanga.in/post/high-court/high-court-chuan-meth-43-kg-man-sak-avanga-special-court-champhai-in-thiam-loh-a-chantirna-chu-forensic-lama-sample-finfiah-danah-rinhlelhna-a-awm-avangin-thiam-chan-tir?fbclid=IwdGRjcAUqEu9jbGNrBSoSv2V4dG4DYWVtAjExAHBkb2YBc3J0YwZhcHBfaWQMMzUwNjg1NTMxNzI4AAEeSJnD35FPb_zEiJ5NowaI6gMOsJTqw4dwmxd21mv1kgETeaAdj1bD4rLduew_aem_5HhISDb0muXvMXgSHMPhGQ

More Posts

Zu siamna hmun ti chhia

Vawiin (20.11.2026) chhun khan Excise & Narcotics Dept. Aizawl District chuan Rangvamual leh Phunchawnga zu siamna zawn chhuah leh tih chhiat runpui an nei. Anti Narcotic Squad leh Aizawl District Excise & Narcotics Dept-te fehchhuakin rakzu siamna hmun 22-ah zu bilhlai ṭin 5,054 an tichhia a, zu siamna hmanrua pawh tam tham tak an man. […]

Top 10-te an inbuatsaih tan

EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn. LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur […]

Ramri siam rem a ni

Vawiin (20.11.2026) chawhnu dar 2:00 khan Kolasib Bawrhsap H. Dolianbuaia chuan Saipum leh Saiphai khaw inkar ramri lung (village boundary pillar) a phun. Hemi hnu hian Govt. Middle School, Saipum-ah khaw pahnihte ramri inhlanna leh inremna thuthlung ziahna hun an hman chhunzawm. Kolasib Bawrhsap chuan thu sawiin, “Harsatna leh buaina a lo thlen changin a […]