Home

News

Hlimen khawtlangin pawi an ti

News

Hlimen khawtlangin pawi an ti

Hlimen khawtlangin pawi an ti

Hlimen Local Council & All NGO chuan thuchhuah siamin, 01.09.2026 atanga Lalsavunga Park danna an kalpui mekah hian park tlawh tum nitin mi 50 atanga mi 100 chuang an la awm ve reng tih tarlangin, “Heng zingah hian a chanve aia tam mah hi state pawn atanga mikhual lo kalte an ni thin. Heng khualzin lo kal te hi park enkawl mumal loh avanga haw tir leh ngaia an awm thin hi pawi kan ti hle,” an ti.

Mizoram chhung leh pawn atanga he lai park rawn kal tum tam tak park enkawl mumal loh leh thianghlim loh avanga hnar kir ngaia hmalakna an neih angai ta chu ram leh hnam ang pawhin a mualpho thlakin pawi an ti hle tih tarlangin Hlimen LC leh All NGOs chuan, “Tun dinhmunah hian Lalsavunga
Park enkawltu contractor hi cancel a nih hma loh chuan park hi tlawh theih a ni dawn rih lo a ni tih mipuite kan in hriattir nawn leh a ni.
Hetiang hi kan dinhmun a nih avangin Lalsavunga Park enkawltu contractor hian park enkawlna kawngah sawrkar nen an in remna tamtak a bawhchhiat avangin a rang thei ang berin he inremna atang hian inhnawkdawk turin kan ngen. Sawrkar lam pawhin
agreement dan zawm lo contractor hi a rang lama min cancel sak turin kan ngen nawn leh bawk a ni,” tiin heng kan ngenna te hian awmzia a neih theih dawn loh chuan thla thar ni 03.10.2026 atang hi chuan Hlimen khawtlang chuan Lalsavunga Park chungchangah hian tha an tih danin hma an la chhunzawm ve tawh dawn a tih an tarlang.

More Posts

Zu siamna hmun ti chhia

Vawiin (20.11.2026) chhun khan Excise & Narcotics Dept. Aizawl District chuan Rangvamual leh Phunchawnga zu siamna zawn chhuah leh tih chhiat runpui an nei. Anti Narcotic Squad leh Aizawl District Excise & Narcotics Dept-te fehchhuakin rakzu siamna hmun 22-ah zu bilhlai ṭin 5,054 an tichhia a, zu siamna hmanrua pawh tam tham tak an man. […]

Top 10-te an inbuatsaih tan

EverHome Youth Icon 2026 intihsiakna neih meka top 10 intihsiakna hmachhawn tur mi 11 te chu an mentor-te nen an inbuatsaih tan a, round sang intihsiakna chu November 23,2026 (Thawhtanni) zanah neih a ni dawn. LPS Vision Production chuan Ningani zan khan top 10-a tling te hming an puang chhuak. Round sang intihsiakna hmachhawn tur […]

Ramri siam rem a ni

Vawiin (20.11.2026) chawhnu dar 2:00 khan Kolasib Bawrhsap H. Dolianbuaia chuan Saipum leh Saiphai khaw inkar ramri lung (village boundary pillar) a phun. Hemi hnu hian Govt. Middle School, Saipum-ah khaw pahnihte ramri inhlanna leh inremna thuthlung ziahna hun an hman chhunzawm. Kolasib Bawrhsap chuan thu sawiin, “Harsatna leh buaina a lo thlen changin a […]