HM-in chawimawina a hlan

Home Minister K Sapdanga chuan vawiin (25.9.2026) hian a pisaah Sawrkar Laipuiin huaisen chawimawina a buatsaih – Uttam Jeevan Raksha Padak dawngtute pahnih Joseph Lalnunmawia, Darlawn leh Laldinkimi, Kawlkulh te chu chawimawina a hlan.

Home Minister chuan huaisen chawimawina dawng Mizo zinga kan awm thei zel chu lawmawm a tih thu sawiin, “Mahni chunga thihna thleng thei pawi sa loa midang nunna chhanhim chu thil ropui tak a ni. Hmanlai kan pi leh pute thufing ‘thian chhan thih ngam’ kan la chhawm nun zel a ni hi a lawmawm,” a ti.

K. Sapdanga chuan chawimawina hi thil tha tih nen kal kawp a pawimawh tih sawiin, “Chawimawi phute kan chawimawi hian hnam anga kan mawina a ni zel a ni,” tiin Mizote chu in chawimawi tawnna kawngah ke kan pen zel a tul thu a sawi.

Inkhawmah hian Aizawl DC leh Khawzawl DC atangin chawimawina dawng tute chanchin tawi leh an dawn chhan ngaihthlak a ni. Joseph Lalnunmawia hian mi paruk kangmei atanga chhanchhuakin Uttam Jeevan Raksha Padak chawimawina hlan a ni a, Laldinkimi hian tuitla chhanchhuakin Jeevan Raksha Padak chawimawina hlan a ni.