News

September 3, 2026-a Secretary, Ministry of Social Justice & Empowerment, Government of India kaihhruaia thukhawm chuan India ram puma ruihhlo dona – National Action Plan for Drug Demand Reduction (NAPDDR) atana state zawng zawng zinga hma la tha ber (pakhatna) atan Mizoram chu an puang.

Sorkar thuchhuah tarlan danin, ruihhlo hmansual kan rama lo hluar zel tur venna atan Central Sorkar chuan state zawng zawngin kan kalpui tur National Action Plan for Drug Demand Reduction (NAPDDR) chu a duang a ni. He NAPDDR atan hian Mizoramah chuan Social Welfare, Women & Child Development Department, Govt. of Mizoram chu nodal department an ni. NAPDDR in a tum tlangpuite chu ruihhlo ti mekten damna kawng an zawhna tura hmalak te, enkawlna ṭha an dawn theihna tura treatment centre-a dah luh te, ruihhlo ngai enkawlnaa thawkte tha tichak tura kawng hrang hranga zirtir te a ni. Ruihhlo la ti ve lo naupang leh ṭhalaite hnena uluk taka zirtirna pek (Awareness) hi a ngaipawimawh hle bawk.

Kohhran leh tlawmngai pawl hrang hrangte nena thawk hovin sawrkar hma a la mek a, hmeichhia leh naupangte ruihhlo laka an lo him zel theihna turin an zingah theihtawpa hma lak a ni bawk.

Hetianga hmalakna tur hrang hrang hi state level-ah a changtu Social Welfare Minister Lalrinpuii hoa uluk taka ngaihtuah leh remruat ṭhin a ni a. district level-ah DC tinten an thawk ṭha hle bawk. Block level thlengin hmalakna hi a kal tawh a ni. Ministry-ah rang taka hmalakna report thehluh nghal ṭhin. Hetianga hmalaknaah hian state bakah district-te pawh an ṭang hle a, hetianga lungrual taka thawhhona leh thawh rim rah hi India Sorkar laipuia Ministry thuneitute pawhin an hmuh hmaih lo a ni.