Sep 25, 2026
Friday
Nimin (24.9.2026) chawhma dar 10 vel khan Lalmawizuala (25), Bualpui khua, Kolasib District chu a hnathawhna hmun atangin a tlahlum.
Bualpui YMA hruaitute hnen atanga Bengvarna thudawn danin, Lalmawizuala pa hi P&E Department-a thawk niin, amah pawh hi MR ang deuhin current line siamin a chhuak ve thin a ni. Niminah pawh current line siamin an khaw chhungah a chhuak a, mi in chungah current line a siam chu a te thawt a, a tlazui a ni.
A tla lai tak hi hmutu an awm loa, a te ri erawh hria an awm. Electric current man vanga tla a nih leh nih loh finfiahna a awm lo. A tlakna hi in chhawng hnihna chung atangin a ni a, kawngah a tla thla. Damdawi in panpui nimah se, chhan theih a ni tawh lo.
Lalmawizuala ruang hi nizan khan lumenpui niin, vawiin chhun dar 12 ah vui a ni ang.
